कोरला नाकामा व्यापारिक चहलपहल बढेसँगै भन्सार र क्वारेन्टाइनमा कर्मचारी थप

रसुवागढी–केरुङ र तातोपानी नाका बन्द भएपछि नेपाल–चीन सीमास्थित कोरला नाकामा व्यापारिक चहलपहल बढेको छ। लोमान्थाङ गाउँपालिका–४ न्हेचुङमा रहेको मुस्ताङ भन्सार कार्यालयमा भन्सार विभागले थप ६ जना कर्मचारी पठाउने तयारी गरेको छ। यस्तै, प्लान्ट क्वारेन्टाइन तथा विषादी व्यवस्थापन केन्द्रले पनि तीन जना कर्मचारी मुस्ताङ पठाइसकेको छ। हाल यस नाकाबाट दैनिक ५० भन्दा बढी कन्टेनरहरू सामान लिएर आउन थालेका छन्।