भोटेकोशीका बाढीपीडितका लागि पठाउन लागिएको म्याद गुज्रेको खाद्यान्न बरामद

खाद्य, प्रविधि तथा गुण नियन्त्रण विभाग र काठमाडौँस्थित डिभिजन कार्यालयको संयुक्त टोलीले बाढीपीडितका लागि पठाउन लागिएको म्याद गुज्रेको खाद्यान्न फेला पारेको छ। भोटेकोशीका बाढीपीडितलाई वितरण गर्न ठिक पारिएका चामल, आटा र भुजा जस्ता सामग्रीहरू अखाद्य अवस्थामा भेटिएका हुन्। विपद्को मारमा परेका नागरिकलाई यस्ता गुणस्तरहीन सामग्री वितरण गर्दा जनस्वास्थ्यमा गम्भीर असर पर्ने भन्दै विभागले सचेत गराएको छ। काठमाडौँमा गरिएको अनुगमनका क्रममा यी सामग्रीहरू बरामद गरिएको हो।