सिरियामा बारुदी सुरुङको जोखिम कायमै, बालबालिका बढी प्रभावित भएको राष्ट्रसंघको चेतावनी

सिरियामा युद्धका क्रममा छाडिएका बारुदी सुरुङ र अन्य विस्फोटक पदार्थका कारण सर्वसाधारणको ज्यान जाने जोखिम बढेको भन्दै संयुक्त राष्ट्रसंघले चेतावनी दिएको छ। संयुक्त राष्ट्रसंघीय मानवीय मामिला समन्वय कार्यालयका अनुसार यी विस्फोटक पदार्थहरूले मानिसहरू बसोबास गर्ने क्षेत्रमा ठूलो खतरा पैदा गरिरहेका छन्। यस जोखिमबाट विशेषगरी बालबालिकाहरू बढी प्रभावित भइरहेको प्रतिवेदनले औंल्याएको छ। युद्ध समाप्त भएका क्षेत्रहरूमा पनि यस्ता अवशेषहरू अझै घातक सावित भइरहेका छन्।