तमोर नदीमा बेलिब्रिज सञ्चालन, तापेथोक र लेलेप सिधा सडक सञ्जालमा जोडिए

ताप्लेजुङको फक्ताङ्लुङ गाउँपालिकास्थित तमोर नदीमा मोटर गुड्ने बेलिब्रिज निर्माण भई सञ्चालनमा आएको छ। यस पुलले गाउँपालिकाको वडा नम्बर ५ तापेथोक र वडा नम्बर ६ लेलेपलाई जोडेको छ, जसबाट लेलेपको साँघु तथा वडा नम्बर ४ का सुङ्साबू र विपुधाप गाउँका स्थानीय लाभान्वित भएका छन्। स्थानीय विक्रम लिम्बूका अनुसार पुल सञ्चालनमा आएसँगै ताप्मावा हुँदै घण्टौँ समय लगाएर घुमाउरो बाटो प्रयोग गर्नुपर्ने बाध्यता अन्त्य भएको छ।