चलचित्र ‘गौँथली’ले ६० वर्षमाथिका ज्येष्ठ नागरिकलाई निःशुल्क फिल्म देखाउने

चलचित्र ‘गौँथली’को निर्माण टोलीले ६० वर्षमाथिका ज्येष्ठ नागरिकहरूका लागि निःशुल्क फिल्म हेर्ने व्यवस्था गरेको छ। यो अफर भदौ १० गतेदेखि २१ गतेसम्म लागू हुनेछ र यसका लागि खल्ती एपमार्फत टिकट काट्नुपर्ने प्रावधान राखिएको छ। खल्तीबाट काटिएको टिकटको रकम पछि प्रयोगकर्ताकै खातामा फिर्ता हुने निर्माण पक्षले जनाएको छ। हालसम्म २५ करोड रुपैयाँभन्दा बढी कमाइसकेको यस फिल्मले ज्येष्ठ नागरिकलाई सम्मान स्वरूप यो अवसर प्रदान गरेको हो।