सुनसरी घटनालाई लिएर नौ राजनीतिक दलद्वारा सामाजिक सद्भाव कायम राख्न संयुक्त अपिल

संसद्मा प्रतिनिधित्व गर्ने नौ प्रमुख राजनीतिक दलहरूले सुनसरी लगायतका जिल्लामा हालै भएका घटनाप्रति चिन्ता व्यक्त गर्दै सामाजिक सद्भावका लागि संयुक्त अपिल जारी गरेका छन्। दलहरूले जुनसुकै जटिल समस्याको समाधान शान्तिपूर्ण संवाद र सहमतिबाट मात्र सम्भव हुने उल्लेख गर्दै सबै पक्षलाई संयमता अपनाउन आग्रह गरेका छन्। उनीहरूले सरकारलाई घटनाको निष्पक्ष छानबिन गरी दोषीमाथि कारबाही गर्न र परिस्थितिलाई सामान्यीकरण गर्न ध्यानाकर्षण गराएका छन्। राष्ट्रिय एकता र सामाजिक सद्भाव कायम राख्नु सबैको साझा जिम्मेवारी भएको वक्तव्यमा उल्लेख छ।