‘बुकहिल ब्यालेड्स’को दोस्रो शृङ्खलामा गायक दाजुभाइ सत्य-स्वरूपले साङ्गीतिक प्रस्तुति दिने

प्रसिद्ध गायक तथा सङ्गीतकार दाजुभाइ सत्यराज आचार्य र स्वरूपराज आचार्यले 'बुकहिल ब्यालेड्स'को दोस्रो शृङ्खलामा आफ्नो साङ्गीतिक प्रस्तुति दिने भएका छन्। बुकहिल पब्लिकेशनद्वारा आयोजित 'सत्य-स्वरूप: हजार सपना' नामक यो कार्यक्रम भदौ ७ गते काठमाडौंको नेपाल पुलिस क्लबस्थित 'द ब्लु प्याभेलियन हल'मा आयोजना हुनेछ। यस कार्यक्रममा उनीहरूले आफ्ना चर्चित गीतहरूका साथै पिता भजनशिरोमणि भक्तराज आचार्यका सिर्जनाहरू पनि प्रस्तुत गर्नेछन्।