पार्टी निर्माणमा चिनियाँ राष्ट्रपति सीको अवधारणाबारे काठमाडौँमा छलफल

काठमाडौँमा आयोजित एक कार्यक्रममा विज्ञहरूले राजनीतिक दलको निर्माण र प्रभावकारी सञ्चालनका लागि चिनियाँ राष्ट्रपति सी जिनपिङको अवधारणा उपयोगी हुने बताएका छन्। फ्रेन्ड्स अन क्लाउडद्वारा आयोजित उक्त कार्यक्रममा राजनीतिज्ञ जगन्नाथ खतिवडा, परराष्ट्रविद डा. गोपाल खनाल र पूर्व राजदूत महेशराज दाहालले सीका विभिन्न आयामबारे चर्चा गर्नुभयो। अनुसन्धानकर्ता डा. दीपक देवकोटा र संस्थाका अध्यक्ष शोभित उप्रेतीले पनि पार्टी निर्माणमा चिनियाँ मोडेलको सान्दर्भिकतामाथि जोड दिनुभएको थियो।