आईभीएफ सेवालाई व्यवस्थित बनाउन कानुनी र नीतिगत छलफल सुरु

नेपालमा इन-भिट्रो फर्टिलाइजेसन (आईभीएफ) सेवालाई सुरक्षित, गुणस्तरीय र व्यवस्थित बनाउन स्वास्थ्य तथा खाद्य स्वच्छता मन्त्रालयले कानुनी र नीतिगत छलफल सुरु गरेको छ। स्वास्थ्य तथा खाद्य स्वच्छता मन्त्री निशा मेहताको उपस्थितिमा शुक्रबार आयोजित बैठकमा यस क्षेत्रका लागि छुट्टै ऐन र कार्यविधि निर्माण गर्ने विषयमा छलफल भएको हो। प्रस्तावित कानुनले आईभीएफ सेवाको नियमन, अनुमति प्रक्रिया र सेवाग्राहीको सुरक्षालाई सुनिश्चित गर्ने लक्ष्य राखेको छ।