काठमाडौँ महानगरद्वारा ट्रमा सेन्टरलाई ८० लाख बराबरको स्वास्थ्य सामग्री हस्तान्तरण

काठमाडौँ महानगरपालिकाले महाबौद्धस्थित राष्ट्रिय ट्रमा सेन्टरलाई ८० लाख रुपैयाँ बराबरको अर्थोपेडिक इम्प्लान्ट र स्वास्थ्य सामग्री हस्तान्तरण गरेको छ। महानगरकी कार्यवाहक प्रमुख सुनिता डङ्गोलले स्टिलका पाता र रड लगायतका सामग्री सेन्टरका निर्देशकलाई हस्तान्तरण गर्नुभयो। यो सहयोग विशेषगरी विपन्न, बेवारिसे र असहाय बिरामीहरूको निःशुल्क उपचारका लागि उपलब्ध गराइएको हो। महानगरले नगरबासीको स्वास्थ्य सेवामा पहुँच पुर्‍याउने उद्देश्यले यो कार्यक्रम अघि सारेको हो।