नेपाली सेना र चिनियाँ जनमुक्ति सेनाबीचको सम्बन्ध सुदृढ रहेको प्रधानसेनापति सिग्देलको भनाइ

प्रधानसेनापति अशोकराज सिग्देलले नेपाली सेना र चिनियाँ जनमुक्ति सेना (पीएलए) बीचको सम्बन्ध नयाँ उचाइमा पुगेको बताउनुभएको छ। चिनियाँ जनमुक्ति सेना स्थापनाको ९९औँ वार्षिकोत्सवका अवसरमा काठमाडौँस्थित चिनियाँ दूतावासले आयोजना गरेको कार्यक्रममा उहाँले पञ्चशीलको सिद्धान्तमा आधारित नेपाल-चीन सम्बन्धको विकासमा पीएलएको भूमिका महत्त्वपूर्ण रहेको उल्लेख गर्नुभयो। उहाँले दुई सेनाबीचको सहकार्य सुदृढ रहेको र यो निरन्तर प्रगाढ बन्दै गएकोमा जोड दिनुभयो।