सरकारको कार्यशैलीले लोकतन्त्र र राष्ट्रिय स्वाधीनता खतरामा परेको नेता श्रेष्ठको दाबी

नेपाल कम्युनिस्ट पार्टीका नेता नारायणकाजी श्रेष्ठले सरकारको कार्यशैलीका कारण मुलुकको राष्ट्रिय स्वाधीनता र लोकतान्त्रिक व्यवस्थामाथि गम्भीर संकट उत्पन्न भएको बताएका छन्। पुष्पलाल श्रेष्ठको ४८ औँ स्मृति दिवसको अवसरमा काठमाडौंमा आयोजित कार्यक्रमलाई सम्बोधन गर्दै उनले देशलाई फाँसीवादतर्फ लैजान खोजिएको आरोप लगाए। नेता श्रेष्ठले वर्तमान परिस्थितिमा संविधान र कम्युनिस्ट आन्दोलनका उपलब्धिहरू खतरामा रहेको उल्लेख गरे।