आत्महत्याको सोचमा रहेका युवालाई गगन थापाको आग्रह: 'हामी साथमा छौं'

नेपाली कांग्रेसका महामन्त्री गगन थापाले आत्महत्याको सोचमा रहेका युवाहरूलाई त्यसो नगर्न र निराश नहुन आग्रह गरेका छन्। काठमाडौंको राष्ट्रिय सभागृहमा आयोजित 'जरा अभियान' समापन कार्यक्रममा बोल्दै उनले आर्थिक वा सामाजिक कारणले समस्यामा परेका युवाहरूको साथमा आफूहरू रहेको बताए। उनले युवाहरूमा आशा जगाउँदै कुनै पनि कठिन परिस्थितिमा सहयोगका लागि राजनीतिक नेतृत्व तयार रहेको उल्लेख गरे।