दुर्घटनामा घाइते नेपाल टेलिभिजनका कर्मचारीलाई नयन मिडिया फाउन्डेसनद्वारा बिमा रकम हस्तान्तरण

नयन मिडिया फाउन्डेसनले दुर्घटनामा परी घाइते भएका नेपाल टेलिभिजन इटहरी च्यानलका कर्मचारी रबिन्द्रकुमार चौधरीलाई ३२ हजार २ सय ५५ रुपैयाँ बिमा रकम हस्तान्तरण गरेको छ। बुधबार नेपाल टेलिभिजनको कार्यालयमा आयोजित एक कार्यक्रममा फाउन्डेसनका अध्यक्ष पवन अधिकारी, निर्देशक माधव सुवेदी र बिमा संयोजक देवराज पुरीले संयुक्त रूपमा सो रकम प्रदान गर्नुभयो। फाउन्डेसनले सञ्चारकर्मीहरूको लागि सञ्चालन गरेको दुर्घटना बिमा योजना अन्तर्गत यो रकम उपलब्ध गराइएको हो।