निर्वाचन आयोगका प्रस्तावित पदाधिकारीहरूको संसदीय सुनुवाइ साउन १२ र १३ गते हुने

संसदीय सुनुवाइ समितिले प्रस्तावित प्रमुख निर्वाचन आयुक्त र दुई निर्वाचन आयुक्तहरूको सुनुवाइ आगामी साउन १२ र १३ गते (जुलाई २८ र २९) गर्ने निर्णय गरेको छ। समितिका सभापति बोध नारायण श्रेष्ठका अनुसार पहिलो दिन निर्वाचन आयुक्तका उम्मेदवारहरू डा. राजीव सुब्बा र गुरुप्रसाद वाग्लेको सुनुवाइ हुनेछ। दोस्रो दिन प्रस्तावित प्रमुख निर्वाचन आयुक्तको सुनुवाइ सिंहदरबारमा गरिने तय भएको छ। मंगलबार सिंहदरबारमा बसेको समितिको बैठकले यो कार्यतालिका स्वीकृत गरेको हो।