बाँकेको जमुनाह नाकाबाट १३ करोड ६१ लाख बराबरको अवैध सामान बरामद

सशस्त्र प्रहरी बलले गत आर्थिक वर्षमा बाँकेको जमुनाह नाकाबाट १३ करोड ६१ लाख ३१ हजार ६९८ रुपैयाँ बराबरको अवैध सामान बरामद गरेको छ। सशस्त्र प्रहरी बल ३० नं. गण बागेश्वरी हेडक्वार्टरका सूचना अधिकारी सशस्त्र प्रहरी नायब उपरीक्षक मोहन विष्टका अनुसार यी सामानहरू अवैध रूपमा नेपाल भित्र्याउँदै गर्दा जफत गरिएको हो। बरामद गरिएका सामानहरूलाई आवश्यक कारबाहीका लागि सम्बन्धित निकायमा बुझाइएको छ।