टिस्टुङमा सञ्चालित स्वास्थ्य शिविरबाट ४७७ जना लाभान्वित

मकवानपुरको थाहा नगरपालिका–११ टिस्टुङमा शनिबार आयोजना गरिएको एकदिने स्वास्थ्य शिविरबाट ४७७ जना स्थानीय बासिन्दा लाभान्वित भएका छन्। रोटरी क्लब अफ काठमाडौं–वेष्ट, रोटरी स्याटेलाइट क्लब अफ काठमाडौं वेष्ट र शान्ति सेवागृह क्लिनिक तथा रिह्याबिटेसन सेन्टरको संयुक्त आयोजनामा उक्त शिविर सञ्चालन गरिएको थियो। शिविरमा दाँतको उपचार, एक्स–रे, आँखा जाँच र फिजियोथेरापी जस्ता विशेषज्ञ सेवाहरू प्रदान गरिनुका साथै आवश्यकताअनुसार चस्मा र झुल जस्ता सामग्रीहरू पनि वितरण गरिएको थियो।