ललितपुरमा सन्तनेता कृष्णप्रसाद भट्टराईको सालिक अनावरण, गगन थापाद्वारा प्रशंसा

नेपाली कांग्रेसका महामन्त्री गगन थापाले शनिबार ललितपुरको नखिपोटमा पूर्वप्रधानमन्त्री कृष्णप्रसाद भट्टराईको सालिक अनावरण गर्नुभएको छ। नेपाली कांग्रेस ललितपुर जिल्ला कार्यसमितिद्वारा आयोजित कार्यक्रममा बोल्दै थापाले जनताले भट्टराईलाई दिएको ‘सन्तनेता’ को उपाधि इतिहासमा सधैँ अमिट रहने बताउनुभयो। उहाँले भट्टराईको सादगी र निष्ठाको राजनीति नेपाली राजनीतिका लागि सधैँ प्रेरणादायी रहने उल्लेख गर्नुभयो।