अवकाशप्राप्त कर्मचारीलाई करार सेवामा नराख्न मन्त्रालयको निर्देशन

भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले सरकारी सेवाबाट अवकाश पाएका व्यक्तिहरूलाई करार सेवामा निरन्तरता नदिन सबै सरकारी निकायहरूलाई सात बुँदे परिपत्र जारी गरेको छ। शुक्रबार जारी गरिएको उक्त निर्देशन अनुसार निवृत्तिभरण वा उपदान पाइरहेका व्यक्तिहरूलाई अबदेखि करारमा राख्न पाइने छैन। यद्यपि, अन्य करारका कर्मचारीहरूको हकमा भने अर्को व्यवस्था नभएसम्मका लागि सम्बन्धित निकायमै सम्झौता निरन्तरता दिन सकिने मन्त्रालयले जनाएको छ।