चिकित्सा शिक्षा सुधारको माग गर्दै डा. गोविन्द केसीद्वारा पुनः सत्याग्रहको चेतावनी

वरिष्ठ चिकित्सक एवं अभियन्ता प्रा.डा. गोविन्द केसीले आफ्ना तीनबुँदे मागहरू साउन ५ गतेभित्र सम्बोधन नभए पुनः आमरण अनसन (सत्याग्रह) बस्ने चेतावनी दिनुभएको छ। शुक्रबार काठमाडौंमा एक प्रेस विज्ञप्ति जारी गर्दै उहाँले चिकित्सा शिक्षा र स्वास्थ्य क्षेत्रलाई व्यापारिक स्वार्थबाट मुक्त राख्न र कानुनअनुसार पूर्ण रूपमा गैरनाफामूलक बनाउन माग गर्नुभएको छ। माग पूरा नभए विगतमा स्थगित गरिएका आन्दोलनका कार्यक्रमहरू पुनः ब्युँताउने उहाँको घोषणा छ।