नागरिक समाजका अगुवा तथा पूर्व अर्थमन्त्री देवेन्द्रराज पाण्डेको निधन

नागरिक समाजका अगुवा तथा पूर्व अर्थमन्त्री देवेन्द्रराज पाण्डेको ८७ वर्षको उमेरमा शुक्रबार साँझ काठमाडौंको विशालनगरस्थित आफ्नै निवासमा निधन भएको छ। क्यान्सरबाट पीडित पाण्डे नेपालको लोकतान्त्रिक आन्दोलन र विकास चिन्तनका एक प्रखर व्यक्तित्व हुनुहुन्थ्यो। उहाँको निधनप्रति पुष्पकमल दाहाल 'प्रचण्ड' र गगनकुमार थापा लगायतका राजनीतिक नेताहरूले गहिरो दुःख व्यक्त गर्दै नागरिक स्वतन्त्रतामा उहाँको योगदानको चर्चा गरेका छन्। उहाँको अन्त्येष्टि पशुपति आर्यघाटमा गरिने जनाइएको छ।