काठमाडौं उपत्यकाका अव्यवस्थित तार साउन दोस्रो साताभित्र व्यवस्थापन गर्न सरकारको निर्देशन

सरकारले काठमाडौं उपत्यकाका सडकका पोलमा वर्षौंदेखि गुजुल्टो परेर लत्रिएका इन्टरनेट, टेलिफोन र टेलिभिजनका तार साउन दोस्रो साताभित्र व्यवस्थापन गर्न निर्देशन दिएको छ। सूचना तथा सञ्चारमन्त्री डा. विक्रम तिमिल्सिना र ऊर्जा, जलस्रोत तथा सिंचाइ मन्त्री विराजभक्त श्रेष्ठको उपस्थितिमा ऊर्जा मन्त्रालयमा बसेको बैठकले यस्तो निर्णय गरेको हो। प्रयोगविहीन तारहरू हटाउन र अव्यवस्थित तारलाई व्यवस्थित गर्न सम्बन्धित निकायलाई समयसीमासहितको कार्ययोजना बनाउन निर्देशन दिइएको छ। यस कदमले उपत्यकाको सहरी सौन्दर्य र सुरक्षामा सुधार ल्याउने अपेक्षा गरिएको छ।