मन्त्रिपरिषद् बैठकका सात निर्णय सार्वजनिक, मिटरब्याज पीडितका माग सम्बोधन गरिने

सिंहदरबारस्थित प्रधानमन्त्री तथा मन्त्रिपरिषद्को कार्यालयमा बिहीबार बसेको मन्त्रिपरिषद् बैठकले सातवटा महत्त्वपूर्ण निर्णयहरू गरेको छ। सरकारका प्रवक्ता एवं सञ्चारमन्त्री सस्मित पोखरेलका अनुसार बैठकले मिटरब्याजबाट प्रभावित नागरिकहरूको माग सम्बोधन गर्न र वार्ता प्रक्रिया अघि बढाउने निर्णय गरेको छ। बैठकले प्रशासनिक र आर्थिक सुधारका विभिन्न पक्षहरूमा समेत छलफल गरी निर्णयहरू सार्वजनिक गरेको हो।