ट्राफिक जरिबानाबापत श्रमदान गर्न सकिने कानुनी व्यवस्था गरिँदै: मन्त्री लम्साल

भौतिक पूर्वाधार तथा यातायात मन्त्री सुनिल लम्सालले सवारी नियम उल्लंघन गर्नेहरूले जरिबानाबापत श्रमदान गर्न पाउने गरी नयाँ कानुनी व्यवस्था गर्न लागिएको जानकारी दिनुभएको छ। प्रतिनिधिसभाको बैठकमा सांसदहरूका प्रश्नको जवाफ दिँदै मन्त्री लम्सालले हालको जरिबाना रकम निकै कम भएको बताउनुभयो। ट्राफिक नियम पालना गराउन जरिबानाको सट्टा श्रमदानलाई कानुनी रूपमा समावेश गर्ने सरकारको योजना रहेको छ।