सगरमाथा चढ्नुअघि सात हजार मिटरको हिमाल आरोहण अनिवार्य गरिँदै

नेपाल सरकारले सगरमाथा आरोहण गर्नुअघि सात हजार मिटरभन्दा अग्लो हिमाल चढ्नुपर्ने अनिवार्य प्रावधान ल्याउने तयारी गरेको छ। संस्कृति, पर्यटन तथा नागरिक उड्डयनमन्त्री खडकराज पौडेलले सोमबार राष्ट्रियसभा बैठकमा बोल्दै नयाँ पर्यटन ऐन र नियमावलीमा यो व्यवस्था समावेश गरिने जानकारी दिनुभयो। पर्वतारोहणलाई सुरक्षित बनाउन र आरोहीहरूको अनुभव सुनिश्चित गर्न यो कदम चाल्न लागिएको हो। यस व्यवस्थाले सिधै सगरमाथा चढ्ने प्रवृत्तिलाई निरुत्साहित गर्ने अपेक्षा गरिएको छ।