उद्योगमन्त्री गौरीकुमारी यादवद्वारा कम्पनी रजिष्ट्रार कार्यालयमा आकस्मिक अनुगमन

उद्योग, वाणिज्य तथा आपूर्ति मन्त्री गौरीकुमारी यादवले त्रिपुरेश्वरस्थित कम्पनी रजिष्ट्रारको कार्यालयमा बिहीबार आकस्मिक अनुगमन तथा निरीक्षण गर्नुभएको छ। मन्त्रालयका सचिवसहितको उच्चस्तरीय टोलीसहित पुग्नुभएकी मन्त्री यादवले सेवा प्रवाह र डिजिटल प्रणालीको अवस्थाबारे जानकारी लिनुभयो। सो क्रममा कार्यालय प्रमुख कृष्णकुमारी श्रेष्ठले अनलाइन प्रणालीबाट कम्पनी दर्ता र प्यान सेवा लगायतका सुधारका कार्यबारे मन्त्रीलाई अवगत गराउनुभएको थियो।