रास्वपाको नवनिर्वाचित केन्द्रीय समितिको पहिलो बैठक, तीनवटा आयोग गठन

राष्ट्रिय स्वतन्त्र पार्टी (रास्वपा) को प्रथम महाधिवेशनबाट निर्वाचित केन्द्रीय समितिको पहिलो बैठक काठमाडौंको बनस्थलीस्थित पार्टी कार्यालयमा सम्पन्न भएको छ। नवनिर्वाचित सदस्यहरूले शपथ ग्रहण गरेलगत्तै बसेको उक्त बैठकले निर्वाचन आयोग, लेखा आयोग र अनुशासन आयोग गठन गर्ने निर्णय गरेको छ। अनुशासन आयोगको प्रमुखमा उच्च अदालतका पूर्वन्यायाधीश पौडेललाई नियुक्त गरिएको छ। महाधिवेशनपछि बसेको यो पहिलो औपचारिक बैठकले पार्टीको सांगठनिक संरचनालाई पूर्णता दिने प्रक्रिया अघि बढाएको हो।