विद्यालय पाठ्यक्रम सुधारका लागि ५० हजार विज्ञसँग सुझाव सङ्कलन गरिने

विद्यालय तहको पाठ्यक्रम सुधार गर्न राष्ट्रिय पाठ्यक्रम प्रारूप पुनरावलोकन कार्यदलले देशभरका ५० हजार विज्ञहरूबाट सुझाव सङ्कलन गर्ने भएको छ। शैक्षिक वर्ष २०८० मा राष्ट्रिय पाठ्यक्रम प्रारूप २०७६ को पाँचवर्षे चक्र पूरा भएकाले यसलाई परिमार्जन गर्न लागिएको हो। शिक्षाका लागि राष्ट्रिय अभियान (एनसिइ) नेपालद्वारा काठमाडौँमा आयोजित एक कार्यक्रममा यसबारे जानकारी दिइएको हो। विज्ञहरूको रायका आधारमा पाठ्यक्रमलाई समयसापेक्ष बनाउने कार्यदलको लक्ष्य रहेको छ।