उत्पादनमा आधारित उद्योगलाई प्रोत्साहन गर्ने बागमतीका मुख्यमन्त्री बानियाँको प्रतिबद्धता

बागमती प्रदेशका मुख्यमन्त्री इन्द्रबहादुर बानियाँले श्रम र उत्पादनमा जोडिने सहकारीहरूलाई प्रदेश सरकारले विशेष प्राथमिकता दिने बताउनुभएको छ। चितवनको भरतपुरस्थित सफल सामाजिक उद्यमी महिला सहकारी संस्थाले आयोजना गरेको कार्यक्रममा बोल्दै उहाँले रैथाने बालीका साथै अदुवा, लसुन र बेसार जस्ता उत्पादनमा आधारित अनुदानको व्यवस्था गरिएको जानकारी दिनुभयो। मुख्यमन्त्री बानियाँले वास्तविक उत्पादकहरूलाई प्रोत्साहन गर्दै स्थानीय अर्थतन्त्र बलियो बनाउने सरकारको लक्ष्य रहेको उल्लेख गर्नुभयो।