मन्त्री निशा मेहताको निर्देशनमा सरकारी अस्पतालहरूको सेवा र गुणस्तर अनुगमनमा तीव्रता

स्वास्थ्य तथा खाद्य स्वच्छता मन्त्री निशा मेहताको निर्देशनमा सरकारी अस्पतालहरूको सेवा प्रवाह र गुणस्तर सुधारका लागि अनुगमन कार्यलाई तीव्र पारिएको छ। मन्त्रालयअन्तर्गतको गुणस्तर मापन तथा नियमन महाशाखाले वीर अस्पताल, ट्रमा सेन्टर र शुक्रराज ट्रपिकल तथा सरुवा रोग अस्पतालमा स्थलगत निरीक्षण गरेको छ। अस्पताल सुधार कार्यक्रमअन्तर्गत सुलभ फार्मेसी सञ्चालन र क्युआर कोडमार्फत बिरामीको रिपोर्ट उपलब्ध गराउने जस्ता नयाँ व्यवस्था कार्यान्वयनमा ल्याइँदैछ। काठमाडौंका प्रमुख अस्पतालहरूको व्यवस्थापन र सेवामा सुधार ल्याउन मन्त्रालयले यो कदम चालेको हो।