सुर्खेतमा तीन करोड मूल्य बराबरको सुनसहित व्यापारी श्यामसुन्दर अग्रवाल पक्राउ

सुर्खेत प्रहरीले वीरेन्द्रनगरबाट करिब तीन करोड रुपैयाँ बराबरको अवैध सुनचाँदीका गहनासहित व्यापारी श्यामसुन्दर अग्रवाललाई पक्राउ गरेको छ। जिल्ला प्रहरी कार्यालय सुर्खेतले वीरेन्द्रनगर नगरपालिका-६ स्थित राजाचोक नजिकै रहेको 'शिव इम्पोरियम' पसलबाट उनलाई नियन्त्रणमा लिएको हो। प्रहरी नायब उपरीक्षक कविन्द्रसिंह बोहराका अनुसार बरामद गरिएका गरगहनाको मूल्य झण्डै तीन करोड रुपैयाँ रहेको छ।

सुर्खेत प्रहरीले अवैध वित्तीय कारोबार गरेको आरोपमा वीरेन्द्रनगरका ६३ वर्षीय व्यापारी श्यामसुन्दर अग्रवाललाई पक्राउ गरेको छ। वीरेन्द्रनगर-६ स्थित उनको 'शिव इम्पोरियम' पसलमा छापा मार्दा प्रहरीले करिब तीन करोड रुपैयाँ बराबरको सुनचाँदीका गरगहना बरामद गरेको हो। अग्रवालको साथबाट दुई लाख १९ हजार नेपाली रुपैयाँ र आठ लाख ११ हजार भारतीय रुपैयाँ समेत बरामद गरिएको जिल्ला प्रहरी कार्यालय सुर्खेतले जनाएको छ।