आगामी आर्थिक वर्ष २०८३/८४ को नीति तथा कार्यक्रम संघीय संसदबाट पारित

संघीय संसदका दुवै सदनबाट आगामी आर्थिक वर्ष २०८३/८४ का लागि सरकारको वार्षिक नीति तथा कार्यक्रम पारित भएको छ। प्रमुख प्रतिपक्षी दलको अवरोध र बहिष्कारका बीच प्रतिनिधि सभाले बिहीबार यो कार्यक्रम पारित गरेको हो। प्रधानमन्त्री वालेन्द्र शाहको तर्फबाट अर्थमन्त्री डा. स्वर्णिम वाग्लेले छलफलमा उठेका प्रश्नहरूको जवाफ दिएपछि दुवै सदनबाट नीति तथा कार्यक्रम बहुमतले स्वीकृत भएको हो। यससँगै सरकारलाई आगामी वर्षको बजेट प्रस्तुत गर्ने बाटो खुलेको छ।