अन्तरदेशीय विद्युत् व्यापार आशयपत्रको इप्पानद्वारा स्वागत, अनुमतिपत्र सुनिश्चितता माग

स्वतन्त्र ऊर्जा उत्पादकहरूको संस्था, नेपाल (इप्पान) ले अन्तरदेशीय विद्युत् व्यापारको तयारीका लागि निजी क्षेत्रलाई आशयपत्र जारी गर्ने सरकारको निर्णयको स्वागत गरेको छ। मंगलबार (कात्तिक १० गते) विज्ञप्ति जारी गर्दै इप्पानले यस निर्णयले अहिलेसम्म उत्पादनमा मात्र सीमित निजी क्षेत्रलाई पहिलो पटक बजार खोज्ने, साझेदार पहिचान गर्ने र विद्युत् खरिदबिक्री सम्झौता तयारी गर्ने बाटो खोलेको बताएको छ। साथै संस्थाले अनुमतिपत्र पाउने सुनिश्चितता गर्न पनि माग गरेको छ।