सरकारलाई सांसद अर्जुननरसिंह केसीको चेतावनी, जनताको निराशा आक्रोशमा बदलिन सक्ने

नेपाली कांग्रेसका सांसद अर्जुननरसिंह केसीले जनतामा बढेको निराशा जुनसुकै बेला आक्रोशमा बदलिन सक्ने चेतावनी दिएका छन्। सरकार गठन भएको सात महिना पार हुँदा पनि नेतृत्वको फेरबदलले आम नागरिकको दैनिक जीवनमा परिणाममुखी र सार्थक परिवर्तन ल्याउन नसकेको उनको टिप्पणी छ। दसैँ, तिहार र छठ पर्वको शुभकामना व्यक्त गर्दै उनले राज्य सञ्चालन शैली परिवर्तन हुनुपर्नेमा पुरानै प्रवृत्ति दोहोरिएको बताए।