निजी क्षेत्रलाई विद्युत व्यापार अनुमति दिने तयारी अन्तिम चरणमा : मन्त्री श्रेष्ठ

ऊर्जा, जलस्रोत तथा सिँचाइमन्त्री विराजभक्त श्रेष्ठले नेपाल र भारतबीच आयात र निर्यात दुवैतर्फ विद्युत् व्यापार क्षमता विस्तार गर्न सहमति भएको बताएका छन्। बुधबार काठमाडौंमा मन्त्रालयमा आयोजित पत्रकार सम्मेलनमा बोल्दै उनले निजी क्षेत्रलाई विद्युत् व्यापारमा प्रवेश गराउने नीतिगत व्यवस्था अन्तिम चरणमा रहेको जानकारी दिए। श्रेष्ठका अनुसार दशैंअघि नै निजी क्षेत्रलाई विद्युत् व्यापार अनुमति दिइनेछ।

ऊर्जा, जलस्रोत तथा सिँचाइमन्त्री विराजभक्त श्रेष्ठले निजी क्षेत्रलाई विद्युत व्यापारमा प्रवेश गराउने नीतिगत व्यवस्था अन्तिम चरणमा पुगेको र निजी कम्पनीहरूलाई आशयपत्र दिने तयारी भइरहेको बताएका छन्। बुधबार मन्त्रालयमा आयोजित पत्रकार सम्मेलनमा मन्त्रालयको छ महिने कामको समीक्षा गर्दै उनले नेपाल र भारतबीच आयात तथा निर्यात दुवैतर्फ विद्युत प्रसारण क्षमता विस्तार गर्न सहमति भएको जानकारी दिए। साथै उनले नयाँ विद्युत महसुल संयन्त्र निर्माणको तयारी भइरहेको र बाढीबाट प्रभावित आयोजनाका विषयमा पनि जानकारी गराए।