पाँचपोखरी थाङ्पालमा तामयीग भाषा शिक्षा सम्मेलन सम्पन्न

सिन्धुपाल्चोकको पाँचपोखरी थाङ्पालमा तामयीग भाषा शिक्षासम्बन्धी प्रादेशिक सम्मेलन असोज २६ देखि २८ गतेसम्म सम्पन्न भएको छ। काठमाडौँ विश्वविद्यालय र नेपाल तामाङ घेदुङको संयुक्त आयोजनामा भएको सम्मेलनमा तामयीग भाषा, शिक्षा र पहिचानको संरक्षण तथा प्रवर्द्धनका विषयमा छलफल भएको छ। सम्मेलनको पहिलो दिन मातृभाषाको शैक्षिक विकास, पुस्तान्तरण, संस्थागत विस्तार तथा सूचना प्रविधिको प्रयोगमा जोड दिइएको थियो। सम्मेलनमा बागमती प्रदेशका प्रतिनिधिहरूको सहभागिता रहेको छ।