विराटनगरका उद्योगीले लागत घटाउन नीतिगत सुधारको माग गरे

विराटनगरका उद्योगी तथा व्यवसायीले उत्पादन लागत घटाउने, बन्द उद्योग पुनः सञ्चालन गर्ने र निर्यात बजारमा नेपाली उत्पादनलाई प्रतिस्पर्धी बनाउने नीतिगत सुधारको माग सरकारसँग गरेका छन् । उनीहरूले प्रतिनिधिसभाअन्तर्गतको उद्योग तथा वाणिज्य र श्रम तथा उपभोक्ता हित संरक्षण समितिसमक्ष यी माग राखेका हुन् । असोज २६ गते विराटनगरमा भएको सो भेटमा उद्योगीहरूले नीतिगत सुधारको आवश्यकता औंल्याएका छन् ।