दसैँको किनमेलले देशभरका बजारमा चहलपहल बढ्यो

बडादशैँ सुरु भएसँगै काठमाडौँको असन र इन्द्रचोक बजारमा चहलपहल बढेको छ। दशैँका लागि आवश्यक सामग्री, नयाँ लत्ताकपडा, जुत्ता–चप्पल र पूजाका सामग्री किनमेल गर्न आउने सर्वसाधारणको भीड बजारमा देखिएको छ। काठमाडौँ उपत्यकासहित आसपासका क्षेत्रबाट पनि मानिस किनमेलका लागि आएका छन् भने बजारमा सामानको मूल्य बढेको गुनासो सर्वसाधारणको छ। यस्तै भीड असन, इन्द्रचोक र न्युरोड लगायत मुख्य बजार क्षेत्रमा देखिएको छ।

बडादशैँ सुरु भएसँगै देशभरका बजारमा लत्ताकपडा, जुत्ता–चप्पल, कस्मेटिक्स र पूजाका सामग्री किनमेल गर्नेको भीड बढेको छ। काठमाडौं उपत्यकाको असन, इन्द्रचोक, न्युरोड, भृकुटीमण्डप र महाबौद्धलगायतका क्षेत्रमा चहलपहल बढेको छ भने सुर्खेतको वीरेन्द्रनगर, ताप्लेजुङको फुङ्लिङ, महोत्तरीको गौशाला, भोजपुर र बाजुरामा पनि बजार गुल्जार बनेको छ। दसैँ, तिहार र छठ नजिकिँदै गर्दा आर्थिक गतिविधि चलायमान भए पनि काठमाडौंमा केही उपभोक्ताले सामानको मूल्य बढेको गुनासो गरेका छन्। बाजुरामा भने दसैँको चहलपहल बढे पनि किसान धान भित्र्याउन व्यस्त छन्।