पृथ्वी राजमार्गको शीतल बजार खण्ड खुलाउन नेपाली सेनाद्वारा ब्लास्टिङ सुरु

रसुवामा आएको बाढीका कारण त्रिशूली नदीले कटान गरी धादिङको शीतल बजारमा भासिएको पृथ्वी राजमार्ग खुलाउन नेपाली सेनाले ब्लास्टिङ कार्य सुरु गरेको छ। सडक भासिएको स्थानमा तत्काल पर्खाल निर्माण गर्न सम्भव नभएपछि नेपाली सेनाको मध्य पृतना अन्तर्गत कालीप्रसाद गणको इन्जिनियरिङ टोली परिचालन गरिएको हो। क्षतिग्रस्त सडकको भाग हटाएर नयाँ ट्र्याक निर्माण गरी यातायात सञ्चालनमा ल्याउने उद्देश्यले सेनाको प्राविधिक टोलीले काम गरिरहेको छ।