रास्वपा अहिले राजनीतिक दल बन्ने परीक्षाको चरणमा छ: प्रवक्ता देवराज चालिसे

नेपाली कांग्रेसका प्रवक्ता देवराज चालिसेले राष्ट्रिय स्वतन्त्र पार्टी (रास्वपा) अहिले राजनीतिक दलका रूपमा स्थापित हुने परीक्षाको चरणमा रहेको बताउनुभएको छ। असन्तुष्टि र विरोधको आधारमा मात्रै देश चलाउन नसकिने टिप्पणी गर्दै उहाँले रास्वपाको कार्यशैलीप्रति कटाक्ष गर्नुभयो। असन्तुष्टिको भेल कुनै पनि बेला प्रलय बन्न सक्ने भए पनि त्यो आफैंमा नदी बन्न नसक्ने उहाँको भनाइ छ।