मनाङको बेसीसहर-चामे सडकखण्ड आज दिनभर बन्द रहने

लमजुङ र मनाङ जोड्ने बेसीसहर-चामे सडकखण्ड आज बिहान ९ बजेदेखि साँझ ५ बजेसम्म पूर्ण रूपमा बन्द रहने भएको छ। मनाङको नासो गाउँपालिका-३, धारापानीमा सडक ढलान तथा मर्मत कार्यका लागि यातायात रोकिएको हो। मनाङका प्रमुख जिल्ला अधिकारी मुक्ति प्रसाद खनालका अनुसार १३५ मेगावाटको मनाङ मर्स्याङ्दी जलविद्युत आयोजनाले सो निर्माण कार्य गरिरहेको छ।