विपद्को समयमा कालोबजारी गर्नेलाई कारबाही गर्न सभापति रहबर अन्सारीको निर्देशन

प्रतिनिधिसभाको उद्योग तथा वाणिज्य र श्रम तथा उपभोक्ता हित समितिका सभापति रहबर अन्सारीले बजारमा कृत्रिम अभाव सिर्जना गर्ने र मूल्यवृद्धि गर्नेहरूलाई कडा कारबाही गर्न सरकारलाई निर्देशन दिनुभएको छ। प्राकृतिक प्रकोपका कारण आपूर्ति शृङ्खलामा अवरोध आएको अवस्थामा उपभोक्ता ठगिने जोखिम बढेको भन्दै उहाँले यस्तो चेतावनी दिनुभएको हो। सडक अवरोधको फाइदा उठाउँदै कालोबजारी गर्नेहरूलाई नियन्त्रण गर्न समितिले सरकारको ध्यानाकर्षण गराएको छ।