ग्यास उद्योगले पर्याप्त सिलिन्डर नपठाउँदा काठमाडौंमा अभाव भएको उद्योगमन्त्रीको भनाइ

उद्योग, वाणिज्य तथा आपूर्ति मन्त्रीले ग्यास उद्योगहरूले पर्याप्त मात्रामा सिलिन्डर नपठाउँदा काठमाडौंमा खाना पकाउने ग्यासको अभाव देखिएको बताउनुभएको छ। देशमा ग्यासको अभाव नभए पनि उद्योगहरूबाट आपूर्ति व्यवस्थापनमा कमजोरी हुँदा समस्या सिर्जना भएको उहाँको भनाइ छ। राजधानीमा एलपी ग्यासको नियमित आपूर्ति सुनिश्चित गर्न सरोकारवालाहरूसँग समन्वय भइरहेको मन्त्रीले जानकारी दिनुभयो।