जेन-जी आन्दोलनका मागहरू सम्बोधन गर्न सरकार प्रतिबद्ध छ: मन्त्री सोबिता गौतम

कानुन, न्याय तथा संसदीय मामिला मन्त्री सोबिता गौतमले सहिदहरूको सपना पूरा गर्न र जेन-जी आन्दोलनकारीका मागहरू सम्बोधन गर्न सरकार पूर्ण प्रतिबद्ध रहेको बताउनुभएको छ। काठमाडौँमा आयोजित जेन-जी सहिद दिवसको अवसरमा बोल्दै उहाँले नागरिकको विरोध गर्ने अधिकार संविधानले ग्यारेन्टी गरेको उल्लेख गर्नुभयो। राज्यले बल प्रयोग गर्दा उच्च संयमता र जवाफदेहिता अपनाउनुपर्नेमा समेत मन्त्री गौतमले जोड दिनुभयो।