दिल्लीमा भवन भत्किँदा तीन जनाको मृत्यु, दर्जनौँ विद्यार्थी पुरिएको आशंका

भारतको राजधानी नयाँ दिल्लीस्थित सत्य निकेतन क्षेत्रमा आइतबार एउटा आवासीय भवन भत्किँदा कम्तीमा तीन जनाको मृत्यु भएको छ। उक्त पाँचतले भवन भत्किँदा भग्नावशेषभित्र ५० देखि ६० जना विद्यार्थीहरू पुरिएको आशंका गरिएको छ। स्थानीय प्रहरी र उद्धार टोलीहरूले पुरिएकाहरूको खोजी कार्य जारी राखेका छन् भने घाइतेहरूको अवस्था गम्भीर रहेको बताइएको छ।