गुणस्तरहीन रङ बिक्री गरेको भन्दै बर्जर पेन्ट्सलाई क्षतिपूर्ति भराउन उपभोक्ता अदालतको आदेश

उपभोक्ता अदालतले गुणस्तरहीन रङ बिक्री गरेको भन्दै बर्जर पेन्ट्सलाई तीनजना उपभोक्तालाई १२ लाख ७८ हजार रुपैयाँ क्षतिपूर्ति तिर्न आदेश दिएको छ। ७ देखि १० वर्षसम्मको वारेन्टी दिने आकर्षक विज्ञापनका आधारमा बिक्री गरिएको रङ गुणस्तरहीन भएको भन्दै भक्तपुरका पीडित ग्राहकहरूले उजुरी दिएका थिए। कम्पनीले ग्राहकको गुनासोलाई बेवास्ता गरेपछि अदालतले उपभोक्ताको पक्षमा फैसला गर्दै उक्त क्षतिपूर्ति भराउन आदेश दिएको हो।