नेपाली किकबक्सर अबिरल घिमिरेले जिते विश्व च्याम्पियनसिपको उपाधि

‘हिमालयन चितुवा’ नामले चिनिने नेपाली किकबोक्सर अबिरल घिमिरेले इन्टरनेसनल स्पोर्ट्स किकबक्सिङ फेडरेसन (ISKF) को विश्व च्याम्पियनसिप उपाधि जितेका छन्। जापानको नागोयास्थित करिया हलमा शनिबार साँझ भएको ‘हिट किकबक्सिङ ५९’ प्रतियोगितामा घिमिरेले फ्रान्सेली बक्सर माथान चोइनार्डलाई नकआउट गर्दै ऐतिहासिक जित हासिल गरेका हुन्। यो जितसँगै घिमिरेले अन्तर्राष्ट्रिय किकबक्सिङमा नेपालको नाम थप उच्च बनाएका छन्।

नेपाली किकबक्सर अबिरल घिमिरेले जापानको नागोयामा आयोजित ५९औँ इन्टरनेसनल स्पोर्ट्स किकबक्सिङ फेडरेसन (ISKA) विश्व च्याम्पियनसिपको उपाधि जितेका छन्। शनिबार भएको मुख्य प्रतिस्पर्धामा 'हिमालयन चितुवा' नामले चिनिने घिमिरेले फ्रान्सेली बक्सर म्याथोन चोइनार्डलाई पराजित गर्दै ऐतिहासिक सफलता हात पारेका हुन्। नागोयास्थित करिया हलमा भएको उक्त खेलमा उनले नकआउटका आधारमा जित हासिल गरेका थिए।