रौतहटमा मन्दिर मर्मतमा अनियमितता गरेको आरोपमा पाँच जनाविरुद्ध भ्रष्टाचार मुद्दा दायर

अख्तियार दुरुपयोग अनुसन्धान आयोगले रौतहटको गौरस्थित पर्यटन विकास कार्यालयका तत्कालीन निमित्त प्रमुख राजेश काफ्लेसहित पाँच जनाविरुद्ध विशेष अदालत काठमाडौँमा भ्रष्टाचार मुद्दा दायर गरेको छ। परोहा नगरपालिका-९ स्थित राधाकृष्ण मन्दिरको मर्मत कार्यमा न्यून गुणस्तरको सामग्री प्रयोग गरी अनियमितता गरेको आरोप उनीहरूमाथि लगाइएको छ। आयोगका प्रवक्ता सुरेश न्यौपानेका अनुसार मापदण्डविपरीत कार्य गरी सरकारी सम्पत्तिको हानि नोक्सानी पुर्‍याएको भन्दै मंगलबार सो मुद्दा दायर गरिएको हो।