नेपाल भलिबल लिगका लागि अन्नपूर्ण स्पाइकर किंग्समा मंगोलियाका उरानबायर अनुबन्धित

अन्नपूर्ण स्पाइकर किंग्सले नेपाल भलिबल लिग (एनभीएल) को पहिलो संस्करणका लागि मंगोलियाका राष्ट्रिय टोलीका आउटसाइड हिटर उरानबायर मंखबायरलाई अनुबन्ध गरेको छ। गण्डकी प्रदेशको प्रतिनिधित्व गर्ने यस टोलीले नेपालमा पहिलोपटक आयोजना हुन लागेको पुरुष भलिबलको फ्रेन्चाइज लिगका लागि यी स्टार खेलाडीलाई भित्र्याएको हो। काठमाडौँमा आयोजना हुने यस प्रतियोगिताका लागि टोलीले आफ्नो तयारी तीव्र पारेको छ।