विपद् राहत कोषमा एकैदिन ३८ करोड ५५ लाख रुपैयाँ सहयोग संकलन

हालैको प्राकृतिक प्रकोपबाट प्रभावितहरूको सहयोगका लागि प्रधानमन्त्री दैवी प्रकोप उद्धार कोषमा बुधबार एकैदिन ३८ करोड ५५ लाख रुपैयाँ संकलन भएको छ। विभिन्न संघसंस्था र व्यक्तिहरूले राहत तथा पुनर्स्थापना कार्यमा सहयोग पुर्याउन अर्थमन्त्रीमार्फत उक्त रकम हस्तान्तरण गरेका हुन्। बाढी र पहिरोका कारण भएको क्षतिलाई सम्बोधन गर्न यो ठूलो परिमाणको सहयोग जुटाइएको हो।